(ព្រះវិហារ)៖ នៅព្រឹកថ្ងៃទី៧ ខែកញ្ញា ឆ្នាំ២០២៥នេះ លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ តំណាងរបស់នាយឧត្ដមសេនីយ៍ ស ថេត អគ្គស្នងការនគរបាលជាតិ និងសហការី បានចុះសួរសុខទុក្ខ ព្រមទាំងនាំយកនូវអំណោយរបស់នាយឧត្ដមសេនីយ៍ ស ថេត អគ្គស្នងការនគរបាលជាតិ និងលោកស្រី ស ស៊ីណា ដើម្បីឧបត្ថម្ភដល់កងកម្លាំងនគរបាលជាតិ និងកងកម្លាំងខេមរភូមិន្ទ ដែលកំពុងសម្រាកព្យាបាលជំងឺ នៅមន្ទីរពេទ្យបង្អែកខេត្ត ១៦មករា ខេត្តព្រះវិហារ។
ក្នុងឱកាសនោះ លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ បាននាំយកនូវផ្តាំផ្ញើសាកសួរសុខទុក្ខដោយក្តីនឹករលឹកបំផុតពី លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកស្រី កែ សួនសុភី និងនាយឧត្ដមសេនីយ៍ ស ថេត អគ្គស្នងការនគរបាលជាតិ និងលោកស្រី ស ស៊ីណា ព្រមទាំងជូនពរឲ្យកងកម្លាំងទាំងអស់ ឆាប់ជាសះស្បើយពីជំងឺ និងឆាប់បានវិលចូលបម្រើអង្គភាព ប្រជាពលរដ្ឋ និងសង្គមជាតិ។
អំណោយរបស់នាយឧត្ដមសេនីយ៍ ស ថេត អគ្គស្នងការនគរបាលជាតិ និងលោកស្រីវ ស ស៊ីណា ដែលលោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ នាំមកជូនកងកម្លាំងនគរបាលជាតិ និងកងកម្លាំងខេមរភូមិន្ទ សរុបចំនួន១៤នាក់ ក្នុងនោះ កងកម្លាំងនគរបាលជាតិ ៣នាក់ និងកងកម្លាំងខេមរភូមិន្ទ១១នាក់ ដោយក្នុងម្នាក់ៗទទួលបាន ថវិកាចំនួន៤០០,០០០រៀល ភេសជ្ជៈ ទឹកសុទ្ធ ទឹកក្រូច និងមីមួយចំនួន៕
