(ភ្នំពេញ) ៖ មន្ដ្រីជាន់ខ្ពស់របស់ក្រសួងព័ត៌មាន លោក យ៉ែម ណយ ប្រធាននាយកដ្ឋានកិច្ចការព័ត៌មាន និងទំនាក់ទំនងសាធារណៈ បានទទួលមេដាយមុនីសារាភ័ណ្ដថ្នាក់ធិបឌិន្ទ ក្នុងពិធីសន្និបាតបូកសរុបលទ្ធផលការងារឆ្នាំ២០២៥ ក្រោមអធិបតីភាពដ៏សែនខ្ពង់ខ្ពស់បំផុតពីសំណាក់រដ្ឋមន្ដ្រីក្រសួងព័ត៌មាន នាល្ងាចថ្ងៃទី២២ ខែមករា ឆ្នាំ២០២៦ នៅទីស្ដីការក្រសួងព័ត៌មាន។
សូមជម្រាបជូនថា លោក យ៉ែម ណយ ជាមន្ដ្រីជើងចាស់របស់ក្រសួងព័ត៌មានជាយូណាស់មកហើយ មានទាំងចំណេះដឹង បទពិសោធន៍ និងដឹកនាំមន្ដ្រីក្រោមឱវាទប្រកបដោយប្រសិទ្ធភាព ជាពិសេសទៅទៀតក្នុងការតម្រង់ទិសរបស់អ្នកសារព័ត៌មានឲ្យប្រកបវិជ្ជាជីវៈ និងក្រមសីលធម៌បានយ៉ាងល្អបំផុតក្នុងរយៈកាលជាង៣០ឆ្នាំកន្លងមកហើយ។
លោក យ៉ែម ណយ ជាមន្ដ្រីជាន់ខ្ពស់ដែលសាកសមបំផុតទទួលបានការលើកទឹកចិត្ត និងសរសើរក្នុងវិស័យសារព័ត៌មានពីសំណាក់រដ្ឋមន្ដ្រីក្រសួងព័ត៌មាន និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា៕
