(ខេត្តបាត់ដំបង) ៖ ដោយការយកចិត្តទុកដាក់ចំពោះជនភៀសសឹក នារសៀលថ្ងៃទី១៩ ខែធ្នូ ឆ្នាំ២០២៥ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា បានចាត់លោកឧកញ៉ាបណ្ឌិត ហោ សេរីវឌ្ឍន៍ សមាជិកគណៈកម្មការធិការកណ្ដាល សមាជិកគណៈអចិន្ដ្រៃយ៍ និងជាប្រធានផ្នែកក្រៅប្រព័ន្ធនៃយុវជនគណបក្សថ្នាក់កណ្ដាល ដឹកនាំប្រតិភូនាំយកអំណោយរបស់សម្ដេចចែកជូនប្រជាពលរដ្ឋភៀសសឹកចំនួន១០០០នាក់ នៅជំរុំភៀសសឹកវត្ដខ្នាចរមាស ខេត្តបាត់ដំបង។
ការចុះចែកអំណោយប្រកបដោយទឹកចិត្តថ្លៃថ្លាររបស់សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា សមាសភាពប្រតិភូអមដំណើរដោយ ឯកឧត្តម សុខ លូ អភិបាលខេត្ដបាត់ដំបង, អភិបាលរងខេត្ត, ឯកឧត្តម តាំង ជុនលី និងឯកឧត្តម លោកជំទាវ លោកលោកស្រី ផ្នែកក្រៅប្រព័ន្ធយុវជនថ្នាក់កណ្ដាល និងថ្នាក់ដឹកនាំជាច្រើនរូបទៀត។
នាឱកាសនោះផងដែរ លោកឧកញ៉ាបណ្ឌិត ហោ សេរីវឌ្ឍន៍ បានពាំនាំនូវប្រសាសន៍ផ្ដាំផ្ញើសាកសួរសុខទុក្ខពីសំណាក់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា ជូនដល់ប្រជាពលរដ្ឋដែលកំពុងតែភៀសសឹកនេះឲ្យបានដឹងថា រាជរដ្ឋាភិបាលកម្ពុជាបាននឹងកំពុងតែយកចិត្តទុកដាក់ក្នុងការរកទីតាំងមានសុវត្ថិភាពហើយ បានផ្គត់ផ្គង់ដល់ពួកគាត់ឲ្យហូបចុកគ្រប់គ្រាន់ទៀតផង។ ទាំងសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា បច្ចុប្បន្នកំពុងតែខិតខំប្រឹងប្រែងតស៊ូរដឹកនាំការពារជាតិមាតុភូមិមិនឲ្យខ្មាំងសត្រូវមកដណ្ដើមទឹកដីដោយងាយស្រួលនោះទេ ជាពិសេសសម្ដេចទាំងទ្វេរក៏កំពុងរកដំណោះស្រាយក្នុងកាចរចាររកសន្ដិភាពរវាងប្រទេសទាំងពីរផងដែរ។
ក្រោយមានមតិសំណេះសំណាលរួចហើយ លោកឧកញ៉ាបណ្ឌិត ហោ សេរីវឌ្ឍន៍ និងប្រតិភូបានយកអំណោយចែកជូនក្រុមគ្រួសារប្រជាពលរដ្ឋដែលកំពុងតែភៀសសឹកគ្រប់ៗគ្នាប្រកបដោយទឹកមុខសប្បាយរីករាយក្នុងគ្រាដ៏សែនលំបាកនេះ ដែលមានការយកចិត្តទុកដាក់ដ៏ខ្ពង់ខ្ពស់បំផុតពីសំណាក់ប្រមុខរាជរដ្ឋាភិបាលកម្ពុជា៕
អត្ថបទដោយ ៖ ទេព វីរៈ
.jpg)
.jpg)
